A huge collection of 3400+ free website templates JAR theme com WP themes and more at the biggest community-driven free web design site
Эхлэл / Left Sidebar / Мэдээ, мэдээлэл / “УЛСЫН БҮРТГЭЛИЙН БАГЦ ХУУЛЬ-БҮРТГЭЛИЙН ЦАХИМ ҮЙЛЧИЛГЭЭ” сэдэвт хэлэлцүүлэг боллоо

“УЛСЫН БҮРТГЭЛИЙН БАГЦ ХУУЛЬ-БҮРТГЭЛИЙН ЦАХИМ ҮЙЛЧИЛГЭЭ” сэдэвт хэлэлцүүлэг боллоо

УИХ-ын гишүүн, Улсын бүртгэлийн багц хуулийн Ажлын хэсгийн ахлагч Ц.Мөнх-Оргил үг хэллээ.Тэрээр “Өнөөдрийн байдлаар улсын бүртгэлийн байгууллага нь төрөөс иргэдэд үзүүлэх үйлчилгээний 70 орчим хувийг эзлэх үйлчилгээг үзүүлж байна.


Хэлэлцүүлгийг нээжТөрийн үйлчилгээ иргэнд ойрхон байж, иргэддээ чанартай, хүртээмжтэй үйлчилгээг хүргэх зорилгоор бид мэдээллийн технологийн дэвшилтэт аргыг ашиглан системийг шинэчлэх, шинэ систем нэвтрүүлэх ажлыг үе шаттайгаар амжилттай хэрэгжүүлсээр байна.
Улсын бүртгэлийн байгууллагын үйлчилгээг цахимжуулах замаар иргэдэд түргэн шуурхай хүргэх алхмын хүрээнд “Цахим засаглал” хөтөлбөрийг хэрэгжүүлж байна.  Улсын бүртгэлийн байгууллагаас иргэний улсын бүртгэлийн 38, эд хөрөнгийн эрхийн улсын бүртгэлийн 49, хуулийн этгээдийн улсын бүртгэлийн 27 архивын 34, нийт 148 төрлийн үйлчилгээг үзүүлж байгаагаас 10 төрлийн үйлчилгээг арваннэгдүгээр сарын 1-ний өдрөөс эхлэн цахим хэлбэрт шилжүүлсэн байгаа. Эдгээр цахим үйлчилгээний төрлийг нэмэгдүүлэх ажил одоо ч үргэлжилж байна” гэв

Улсын бүртгэлийн багц хууль хэрэгжиж эхэлснээр хэрэгжиж буй онцлох өөрчлөлтүүдээс УИХ-ын гишүүн Ц.Мөнх-Оргил хэлэлцүүлгийн үеэр танилцуулсан бол Улсын бүртгэлийн ерөнхий газрын дарга Б.Баасандорж Улсын бүртгэлийн багц хууль, бүртгэлийн цахим үйлчилгээний өнөөдрийн байдал цаашид хэрхэн сайжруулах талаар танилцуулав.

Мөн энэ үеэр УИХ-ын гишүүн, Цахим бодлогын түр хорооны дарга Н.Учрал “Мэдээллийн аюулгүй байдлыг хангахын тулд манай улсад мэдээллийн нэгдсэн сангийн бие даасан хууль эрх зүйн орчин хэрэгтэй байна. Жишээ нь, Хур систем хэрэгжиж байна, Дан гэх нэвтрэлтийн систем хэрэгжиж эхэлсэн. Хур-Дан гэж энэ систем хэрэгжихийн тулд мэдээллийн нэгдсэн сангаа зөв зохион байгуулахгүй бол иргэдийн мэдээлэл ил тод болох аюултай. Тиймээс бид мэдээллийн нэгдсэн сангийн тухай бие даасан хууль эрх зүйн орчныг бий болгох зорилготойгоор ажиллаж байна” гэдгийг онцоллоо.

Хэлэлцүүлгээр Улсын бүртгэлийн багц хууль, цахим үйлчилгээ, төрөлт, нас баралтын бүртгэлийн цахим систем,  газар эзэмших, ашиглах эрхийн улсын бүртгэлийн цахим систем, улсын бүртгэлийн үйл ажиллагаанд мэдээлэл нийлүүлэх болон зуучлалын үйлчилгээг нэвтрүүлэх нь, улсын бүртгэлийн нээлттэй мэдээллийг хэрэглээнд нэвтрүүлж байгаа туршлага, цахим үйлчилгээ, цахим мэдээллийн сангийн аюулгүй байдлын талаар зэргийг танилцуулахаас гадна улсын бүртгэлийн мэдээллийн сан, цахим системийг цаашид хэрхэн боловсронгуй болгох чиглэлээр дээрх төр, засгийн болоод хувийн хэвшлийн бусад байгууллагын төлөөллүүд санал солилцлоо.

Улсын бүртгэлийн багц хууль, цахим үйлчилгээ, цахим мэдээллийн сангийн аюулгүй байдлын талаар танилцуулж, цаашид хэрхэн боловсронгуй болгох чиглэлээр УИХ-ын Цахим бодлогын түр хороо, Хууль зүй, дотоод хэргийн яам, Үндэсний Аюулгүй байдлын зөвлөл, Улсын ерөнхий прокурорын газар, Шүүхийн ерөнхий зөвлөл, Нийслэлийн Засаг даргын Тамгын газар, Эрүүл мэндийн яам, Барилга, хот байгуулалтын яам, Тагнуулын ерөнхий газар, Авлигатай тэмцэх газар, Цагдаагийн ерөнхий газар, Төрийн өмчийн бодлого, зохицуулалтын газар, Үндэсний дата төв, Газар зохион байгуулалт, геодези, зураг зүйн газар, Үндэсний статистикийн хороо, Харилцаа холбоо, мэдээллийн технологийн газар, Монголын нотариатчдын  танхим, Монголын хуульчдын холбоо, Нийслэлийн мэдээллийн технологийн газар болон Улаанбаатар хотын банк, Гэрэгэ системс компани зэрэг төр засгийн болоод хувийн хэвшлийн байгууллагын төлөөллүүд санал солилцлоо.

Санал болгох

Б.Баасандорж: Гэрийн хаяг дээр нь танихгүй хүн бүртгүүлсэн, эсэхийг шалгуулах боломжтой

УБЕГ-ын дарга Б.Баасандоржоос сонгогчдын нэрийн жагсаалттай холбоотой зарим зүйлийг тодрууллаа. УИХ-ын сонгуулийн тухай хуульд заасны …